原来TP-LINK的意思系“双绞线连接”咁解，twice pair link是也。
11点8个字开始，熊德龙二楼面试，好多人都11点多D到场，全副武装咁系门外排排坐，我11点半个字先小跑上楼，好彩无被hr发现，唔系一定扣晒分。
在场的男士都系西装居多（原谅我唔称呼佢地为男生），衬衫领带西裤外套公文包黑皮鞋，一应俱全，偶然都有D少件外套嘅，反而在场的女生都比较 casual，衬衫西裙高跟鞋而已。可惜除左高跟鞋，其他嘅我都无。今日baba八点几就打电话过来，话拎左几件比较老实的衫比我，仲到左我楼下添， baba辛苦啦！唔知系米寻晚太夜训，今朝太早起，眼仔都有点睁唔大。满脸倦容，做张mask急救都补唔番。
不过baba白行一趟了。带比我的两件衬衫系小学六年级的时候契妈买比我嘅，虽然仲啱着（真系悲哀），但系总系怪怪地咁。好在后来有茜的衬衫同小强的西裙江湖救急。
大约等到12点三左右，卒之轮到我。跟住其中一个HR入去，我当时仲以为佢只系负责带路收简历的打杂添，入到去见佢竟然坐低，都不禁打个兀，好在我对边个都客客气气。
大约10分钟～15分钟就出来啦，问题好大路，令我印象最深刻的莫过于：“女儿家比较细心同小心眼，有无出现勾心斗角之类的不愉快事件”。我知道HR从应聘者的答案会勾画出呢个人的大致轮廓。不过作为一个应聘者，都会从hr的问题之中揣摩出呢个企业现存的问题。好似呢题咁，不由得令我怀疑:你地公司的办公室斗争系米好激烈？但系我对后黑学无兴趣。
唔知入去面试的顺序有无意义嘅呢？先入去嘅莫非条件比较好？系咁我就弊啦，倒数第二个。而且问的时候，相信hr同我一样咁肚饿。唔知有无被人鄙视左呢？
| 欢迎光临 应届生求职招聘论坛 (https://bbs.yingjiesheng.com/) | Powered by Discuz! X3.2 |